ENGINEERING

credits for my holy spirit classmates and friends who helped me debate against my ownself in order to have an argument in this balagtasan. thanks also to my groupmates who were very cooperative in accomplishing this presentation.. LOVE you all! :D

i made this balagtasan piece for our filipino subject on my first semester in college, it was a nice presentation, i made it for 3 straight days, making tagalog poems is one of my favorite hobbies.. its fun rhyming words.. there are two parts.. if you understand and LOVE tagalog languange... read it! :)

GENDER BIAS SA ENGINEERING: DAPAT O HINDI DAPAT

BY-NADINE MARIE SILVA

LAKANDIWA:

Magandang hapon po ang sa inyo’y isasambulat

Nitong makatang sa inyo’y nakatayong marilag

Narito po kami upang sa inyo’y ihayag

Ang isang Balagtasang makwela at nagbabaga

_________ po ang sa inyo’y bumabanat

Magiliw na nagpupugay, bumabating walang puknat.

Dito’y ako’ng tag-hatol, lakandiwa po ang tawag.

Mabait na lakandiwa’y, ang matalo’y bitay agad.

Hindi pantay na pagtingin dapat o di dapat pairalin

Para sa mga estudyanteng nag-aaral ng Engineering?

Nasabing kurso’y sa lalaki lang dapat isalin?

Iyan ang paksa na ngayo’y ating sisisirin.

Kahit na may kabigatan ang napili nating paksa

Mabibigat din po naman ang makatang magbabangga

Mga Prinsipe at Prinsesa pos a larangan ng pagtula

Palakpakan sila habang lumalapit papagitna.

DAPAT: (LALAKI)

Maaliwalas na paligid ang sa ati’y nakatunghay

Tila ba umaayon sa ihahayag kong patunay

Na dapat pairalin ang pagtinging di pantay

Sa mag-aaral ng Engineering na talagang mahuhusay.

Sa akin pong katunggali na may kagandahan

Ihanda ang sarili at ang isip tasahan

_____________ iyong lingkod sa harapan

Buong galak na nagpupugay ng tuwa sa tanan

HINDI DAPAT: (BABAE)

Matayog na pangarapin kalimita’y di matupad

Katulad ay lakbay – diwang sarili’y di umaangat

Diyan kop o ihahambing ang binata kong katunggali

Dilat ang mata pero nananaginip ng gising

Ako’y isang babae na maraming kakayahan

Kaya’t di pantay na pagtingin ay aking inaayawan

___________________ po, nagpupugay, buong giliw

Sa lahat ng kababayang katulad ko ang hangarin

LAKANDIWA:

Mukhang handang-handa na ang dalawang makata

Hindi na papaawat ang mga kaataman

Sa unang tindig, si _____ ating pagbigyan

Upang mas lalong ganahan, palakpakan atin pong bigyan

DAPAT:

Sa inhinyerya ang Gawain ay mabibigat

Na kailangan ang taong sapat nga sukat

Sukat na tanging sa lalaki lamang magsisiwalat

At hindi kayang pantayan ng mga kababaihan.

Sa isang tingin pa lang ay ating mababantayan

Ang kaibahan ng kalalakihan sa kababaihan

Kurbada ng katawan ay higit na magsasabi

Sa kapasidad ng tao sa paggawa at paghabi

Kulturang Pilipino’y isa sa mga saksi

Na ang inhinyerya’y para lang sa lalaki

Pagkat panahon mismo noon ang nagsasabi

Na ang inhinyero’y sa lalaki at wala sa babae

At ngayon sa katunggali kong kahidwa at kabangay

Sa panig pong tinutugon ay huwag malimutan

Inhinyera’y talagang angkop lang sa kalalakihan

Pagka’t sa pisikal na anyo palang, talbong na ang kalaban

LAKANDIWA:

Maliwanag na nagsaysay ng katwiran ang makata

Binata pa pong tunay, gwapo’t batambata

Ang kalaban niya pong dalaga ang siya naming tutudla

Palakpakan din po’t dinggin, tingnan kung may binatbat nga!

HINDI DAPAT:

Gwapo ang katunggali ko, ang pangit lang ay ang matuwid

Tila yata ang kakayahan ng babae’y minamaliit

Huwag limutin na ngayon tayo’y nasa panahon

Kung saan lahat ay bago ang nakalipas tinatapon

Ginawa tayo ng Diyos na pantay-pantay

Angkop sa Kanyang histura at binigyang buhay

Kaya’t inhinyera’y kaya rin ng kababaihan

Di lamang sa utak maging narin sa katawan

Sa inhinyera’y higit na nangangailangan

Ng mga tauhan na maraming kaalaman

Kaalaman di lamang sa Matematika

Kundi pati narin sa paraang gramatika

Balanse sa mundo’y higit na kailangan

Kung wala ang babae paano na lang ang kalalakihan?

Kaya’t ikaw lalaki ay magdahan-dahan

Sapagkat di mo pa alam kung paano ako lumaban.

LAKANDIWA:

Para lalong magkaigi ang dalawang nagtatalo

Hahayaan ko na silang magbanatan ng husto

Kayo namang nakikinig dito sa istudyo

Ipabaon sa kanila’y palakpakang todong-todo!

DAPAT:

Ang sa akin lamang mahal na kagandahan

Ayoko lang pahirapan ang mga kababaihan

Dahil ang kursong ito’y medyo may kabigatan

At mabilisang nagagawa ng mga kalalakihan

Panahon ngayon ay may kabilisan

Kaya trabaho’y dapat gawin ng mabilisan

Gawain na ganyan, medyo nahihirapan

An gating mga kapatid na kababaihan

HINDI DAPAT:

Ang amin pong ginagawa’y hindi kabagalan

Kundi isang pagtiyak na tama ang aming daan

Upang matiyak na wala nang babalikan

Kapag kami na’y sumulyap sa aming nilakaran

Metikoloso ang mga babae yan lang ang dapat

Di lang sa kasuotan kundi pati narin sa paglapat

Paglapat ng disenyo at mga utos sa tauhan

Upang siguradong wala nang kamalian

DAPAT:

Pero tignan ang mga mag-aaral sa matimatikong klase

Di ba’t mas matalino ang lalaki kaysa babae?

Tunay lamang sa atin ay sinasabi

Na mas kritikal mag-isip ang mga lalaki.

HINDI DAPAT:

Hindi lang naman sa matekmatiko umiikot lahat

Ang pakikipag-usap aralin din dapat

Ang tamang paggawa ng masinsinang pag-uusap

jan magaling ang mga kababaihan

DAPAT:

Ngunit higit itong angkop sa mga lalaki!

HINDI DAPAT:

Pero kaya rin naman ito ng mga babae!

DAPAT:

Hindi sa lahat ng aspeto!

HINDI DAPAT:

Hindi sa paniniwala ko!

LAKANDIWA:

Puputulin ko na ngayon ang pagdada niyong dalawa

Pumirmi muna kayo’t ako naman ang poporma

Kababayan, kung sakaling kayo’y nandyan pa,

Pwede po bang humiling ng palakpak na sagana?

Sinong dapat na tanghaling kampeon nitong balagtasan?

Walang dudang kapwa sila magagaling mangatuwiran

Kaya ito ang aking pasya: Silay patas, tabla lamang

Muli natin paulanan, malutong na palakpakan!